Seis exposicións para un ano de CGAC

O novo director do CGAC vén de presentar a súa primeira programación: mostras individuais de Antoni Socías, Marisa González, Berta Cáccamo e da austríaca Eva Lootz e dúas colectivas: unha de artistas galegos contemporáneos e outra de fondos do propio centro. 

socias-cgac
photo_camera Antoni Socías: Cabeza, 1989

O programa expositivo do 2016 contará con mostras individuais e colectivas de distinta natureza. Durante o primeiro semestre presentará o centro acollerá a retrospectiva Antoni Socias. Teoría e práctica do deserto (31 de marzo - 26 de xuño, comisario: Santiago Olmo); Marisa González. Rexistros domesticados (15 de abril - 19 de xuño; comisaria: Rocío de la Villa) e Agrupar_ Desagrupar: rupturas da representación (22 de abril - 3 de xullo; comisarios: Ángel Cerviño e Alberto González-Alegre), coa participación de seis artistas galegos: Jorge Barbi, Carme Nogueira, Simón Pacheco, Pamen Pereira, Isaac Pérez Vicente e María Ruido.

A segunda parte do ano estará protagonizada por unha ambiciosa mostra con fondos de coleccións publicas e privadas de ámbito estatal (15 de xullo - outubro; comisario: Santiago Olmo), así como o universo creativo de dúas artistas: a austríaca Eva Lootz (28 de outubro - 12 de febreiro 2017; comisaria: Alicia Murría) e a galega Berta Cáccamo (4 de novembro - 15 de xaneiro de 2017; comisarios: David Barro e Santiago Olmo).

Comentarios