Nas 'calendas' de abril, o primeiro día deste mes do ano 1188, entre estadas e grúas de madeira, o Mestre Mateo dirixe na fachada occidental da catedral compostelá a colocación dos simbólicos linteis do Pórtico da Gloria. De aí que mañá, 1 de abril, se conmemore o Día das Artes Galegas, que este ano volve dedicarse a Domingo de Andrade após decidir a Academia Galega de Belas Artes a súa prolongación debido á situación de emerxencia sanitaria motivada pola pandemia.