A estatua de Federico García Lorca situada na Alameda de Santiago de Compostela amenceu este domingo cunha pintada. Trátase dun acto vandálico sobre o cal a Policía Local xa está a realizar un informe, segundo asegura o Concello.
Tras coñecer o ataque, o Consistorio emitiu un comunicado no que "condena e rexeita" as pintadas realizadas neste monumento situado nas escaleiras do Paseo da Ferradura.
O concello de Santiago condena e rexeita o acto vandálico contra a estatua de Federico García Lorcahttps://t.co/RHc5OFB33T pic.twitter.com/Wv7uAwwlVg
— Concello de Santiago (@PazodeRaxoi) December 12, 2021
A estatua dedicada ao poeta e dramaturgo Federico García Lorca inaugurouse o 25 de outubro de 2020, coincidindo co día de Lorca na Galiza.
Esta obra, esculpida por Álvaro de la Vega, representa o autor co mono azul que utilizaba nas xiras coa compañía da Barraca, mirando cara a estatua de Rosalía de Castro, a quen admiraba.
Hoxe ás 17h. Diante de #FedericoGarcíaLorca. Unha operaria do @PazodeRaxoi limpa a pintada coa que apareceu o poeta. Fráxil. pic.twitter.com/tsw62lqlt8
— Quique Alvarellos (@QAlvarellos) December 12, 2021
Desde o concello de Santiago, consideran que este tipo de actos vandálicos "non teñen cabida nunha cidade como Compostela, caracterizada polo respecto á diversidade e á igualdade".
Na tarde deste mesmo domingo, unha restauradora achegouse até a Alameda para tentar limpar a estatua, que amenceu cun símbolo de cor branca sobre o peito.
Desde o BNG condenamos o atentado contra a escultura situada na alameda de Federico García Lorca, asasinado na ditadura franquista. Amante de Compostela e da lingua galega, Lorca foi un símbolo da cultura en liberdade. pic.twitter.com/Cezjoh3LVo
— BNG Santiago (@bngcompostela) December 12, 2021
Desde o BNG, tamén condenan "o atentado" contra a escultura Lorca, asasinado na ditadura franquista. "Amante de Compostela e da lingua galega, Lorca foi un símbolo da cultura en liberdade".