Miguel Castro, cantante da banda de rock Esquíos, da Estrada, faleceu a principios desta semana de forma inesperada, vítima dun derrame, nova que ten provocado unha enorme conmoción no rock galego.
Esquíos veñen de completar o seu cuarto disco, chamado 'Porcocán' e que obtivo financiamento a base de crowdfunding. Era o terceiro no que participaba Miguel Castro, tras os anteriores 'Un Tipo Normal' e 'Éche o que hai'. Con anterioridade, con outro vocalista, editaran un traballo denominado simplemente 'Esquíos'.
O estilo musical da banda caracterízase pola potencia, mesturando actitude e sons punks con outros máis propios do Garaxe-rock. Estaban en plena xira de presentación das súas novas cancións.
.
