Crea Vigo
Vigo
Diversos espazos
Sexta feira e sábado
Un evento sobre a creación artística en directo que reúne as artes plásticas, a ilustración, a música e a danza contemporáneas.
A Banda da Loba + Convidadas
Ferrol
Teatro Jofre
Sexta feira
21.30h
A Banda da Loba presenta o seu primeiro traballo musical, Bailando as rúas, nun concerto arroupadas por Rosalía Fernández Rial, Celia Parra e as Tanxugueiras.
Presentación de "Nosoutras", de Mª Victoria Moreno
Pontevedra
Casa da Luz/Praza de Verdura
Sexta feira
19.30h
Dentro do programa Maio, mes da lingua, realízase a presentación de Nosoutras, de Mª Victoria Moreno, coa presenza de Xavier Senín e David Cortizo.
Teatro Obs-ceno, ciclo de teatro fóra do escenario
Compostela
Salón Teatro
Sexta feira, sábado e domingo
19.00h e 20.30h
O CDG -Centro Dramático Galego- presenta novas propostas teatrais, son as tres incluídas en Teatro Obs-ceno (do 25 ao 27 de maio, ás 19.00 e 20.30h), tres funcións maquinadas para ser representadas fóra do escenario, en espazos alternativos do propio teatro. O ciclo de representacións inclúe as pezas Amor, de Helen Bertels, no ambigú; Deixa de tocala, Sam, de Ave Lina Pérez, no montacargas; e Barbarie en branco e negro, de Josi Lage, no gardarroupa.
Ramírez Exposure no Curruncho Pop
Carballo
Biblioteca Rego da Balsa
Sábado
19.30h
Ramírez Exposure chega ao Curruncho Pop co seu característico sunshine pop, as súas reminiscencias e o seu atractivo carácter.
IX Torneo PonteXadrez
Pontevedra
Praza de España
Sábado
11.00h
Nova edición do Torneo PonteXadrez ao aire libre, organizado pola Escola Xadrez Pontevedra, un torneo que formará parte do XIII Circuito de Promoción de Galiza.
Ses en concerto
Lugo
Auditorio Gustavo Freire
Sábado
A cantautora leva Readmirando a condición a Lugo, despois de xirar por boa parte do país o seu último disco.
Festival 103 Aniversario do real Coro Toxos e Froles
Ferrol
Teatro Jofre
Sábado
20.30h
O festival é un espectáculo de música, canto e baile tradicionais galegos que cada ano rememora o primeiro concerto no mesmo Teatro Jofre en maio de 1915.
XII Feira de Artesanía e degustación de carrilleiras
San Sadurniño
Local Social de Lamas
Domingo
12.30-19.30h
Chega a duodécima edición da feira de artesanía e de degustación de carrilleiras, organizada pola Asociación veciñal de Lamas. A feira botará a andar a primeira hora da mañá e o pregón, a cargo do escritor Antón Cortizas, está programado para as 12.30h, seguido dun pase musical de Tania. O xantar está previsto para as 14.30h, con empanada, carrilleiras, sobremesa, bebida e pan. Xa pola tarde volverá actuar Tania e haberá unha exhibición da escola Fusion Dance.