Veñen de coñecerse os concertos confirmados para o programa da 44ª Festa do Queixo. Aos xa confirmados;Herdeiros da Crus, Sés e Inerttes; súmanse Broken Peach, Xabier Díaz e Adufeiras de Salitre e Rafa Morcego DJ.
A apertura do festival terá lugar o sábado 9 ás 21:30 horas a cargo de Inerttes, un cuarteto vigués gañador da 11ª edición do concurso Queixo Maquetón.
Os concertos instalaranse baixo unha gran carpa no campo da feira de Arzúa e terán lugar o sábado 9 e o domingo 10 de marzo. Ademais, serán de balde.
