Que facer?

Bota a andar en Carballo Recicl-Arte, coa obra de 18 artistas

reciclarte carballo
photo_camera Unha das obras expostas nunha edición anteiror de Recicl-Arte

Camiñada por Lamas

San Sadurniño

Local Social de Lamas

Sexta feira

16.00h

Unha oportunidade para coñecer mellor un dos recunchos máis fermosos da zona e, de paso, facer un exercicio lixeiro mediante estas pequenas rutas que se organizan todos os anos.

Recicl-Arte

Carballo

Pazo da Cultura

Sábado e até o 15 de xullo.

Recicl-Arte, a exposición colectiva de creadores vinculados a Carballo, está composta pola obra de 18 artistas con traxectorias e modalidades ben diversas, que van desde a pintura até a fotografía pasando pola escultura e mailas artes plásticas. Desde a sexta feira 14 de xuño e até o 15 de xullo, o 3º andar do pazo da Cultura acollerá estas obras. Un auténtico privilexio para os sentidos que non podedes deixar de visitar.

Diversidarte

Portomarín

Praza Condes de Fenosa

Sexta feira

18.30h

DiversidArte, Festival das Artes Inclusivas, é unha mostra de todas as artes pola diversidade e nesta edición contará con Ricardo Prado, danza integrada e Xerock.

Sarabela Teatro

Lalín

Salón Teatro

Sexta feira

21.30h

“Celebración. A gran noite” é unha obra teatral que aborda a erótica do poder mediante unha sátira que se ergue contra a clase política e os poderosos.

Neorretranca e posmorriña

Rianxo

Auditorio Municipal

Sexta feira

21.00h

Continúa a xira desta peza dual creada a partir de Fantasía nº 5 en sol ou non de Esther F. Carrodeguas e Boisaca ou a divina desgraza de Roi Vidal Ponte.

Festival de primavera da coral

Pontevedra

Teatro Principal

Sábado

20.00h

Arranca unha nova edición do Festival de Primavera que se organiza desde a Coral Bella Helenes, con entrada de balde ata completar cabida.

As treboadas do Baixo Miño

Tomiño

Praza do Seixo

Sábado

10.30h-13.30h

A última sesión dos roteiros pola tradición musical da provincia de Pontevedra terá como guía a Xerardo F. Santomé e a música de Airiños Novos de Pinzás.

II Romaría O Vilar

O Courel

O Vilar, Vilamor

Sábado

Roteiro ata O Castro, sesión vermú e baile, xogos tradicionais, xantar popular e música da man dunha decena de agrupacións fan deste un evento imperdíbel no corazón do Courel.

SELIC

Compostela

Praza da Quintana

Até o domingo.

A Semana do Libro de Compostela (SELIC) chega á praza da Quintana na súa terceira edición con ducias de actividades ao redor do libro e con La Habana como cidade convidada. Até o 16 de xuño contarán coa exposición de librarías e editoriais, presentacións de libros, propostas infantís, actuacións musicais, teatro, recitais poéticos, obradoiros de creación de banda deseñada ou de minicontos.

Comentarios