A campaña de micromecenado da banda deseñada Ricardo Carvalho Calero. Coraçom de Terra dobrou xa a recadación marcada como obxectivo, superando logo de pouco máis de 20 días os 5.000 euros de apoios. Os cartos dedicaranse a mellorar a calidade da edición e o seu alcance
A obra propón unha biografía ficcionalizada do autor a partir dos seus textos e lembranzas, que pretende tamén revisar co seu percurso a historia da cultura galega ao longo do século XX.
A historia arrinca en Lisboa en 1996, nunha realidade alternativa. Durante o acto de fundación da Comunidade dos Paíse de Língua Portuguesa, Ricardo Carvalho Calero, representante da Galiza, imaxina, momentos antes de tomar a palabra, como tería sido todo se o pasado acontecera de maneira diferente. Xico Paradelo, veterano da banda deseñada, asina os textos, co traballo de Iván Suárez na parte gráfica.
A obra está nun proceso moi avanzado e chegará ao mercado en maio. As entidades promotoras animan o público a facer a sua adquisición adiantada do volume para garantir a maior difusión. O prazo de achegas continúa aberto até 11 de maio.
