Sae ao Estado cun total de 49 copias

'O que arde' estréase en 19 salas galegas

O que arde, o galardoado terceiro filme de Oliver Laxe, chega esta sexta feira, 11 de outubro, ás salas comerciais da Galiza. En concreto, a 19, nas sete cidades e mais en Carballo, Monforte de Lemos, Vilagarcía de Arousa, Viveiro, A Rúa, Verín, As Pontes, A Estrada e Caldas de Reis.
o que arde
photo_camera Oliver Laxe (esquerda) con amador Arias durante a rodaxe de 'O que arde'. Imaxe: Numax Distribución.

cartaz o que ardeA estrea é a nivel estatal. Fóra da Galiza, a obra chegará a outras 30 pantallas, sempre en versión orixinal en galego con subtítulos ben en castelán, ben en catalán. É xa un dos filmes galegos con máis estreas en cinemas comerciais da historia.

O seu director, Oliver Laxe, acompañará algúns dos primeiros pases no país: o 11 de outubro estará en Numax, Compostela, cos actores protagonistas Amador Arias e Benedicta Sánchez; a segunda feira, 14 de outubro, estará nos Cantones Cines da Coruña canda a poeta Yolanda Castaño ás oito e media do serán; ao día seguinte nos Cines Dúplex de Ferrol nas sesións das sete e media e as dez menos cuarto; a cuarta feira 16 de novembro nos tres pases do Códex Cinema de Lugo, e o 17 de outubro, quinta feira, ás seis da tarde no Cinexpo de Pontevedra e ás nove e vinte nos Norte de Vigo.

O que arde, distribuída por Numax, gañou o Premio do Xurado da Sección Oficial – Un Certain Regard no Festival de Cannes, onde foi a primeira película en galego nunca alí proxectada. Tamén foi distinguida nos certames de Donostia e Ourense.

Comentarios