A entidade cultural reintegracionista Associaçom de Estudos Galegos (AEG), vén de demandar, a través dun comunicado, que a Real Academia Galega e a Consellaria da Cultura adopten a resolución de prolongar o programa de actividades de divulgación do persoeiro homenaxeado este ano coas Letras Galegas, Ricardo Carvalho Calero.
Segundo a AEG, sería unha “medida indispensável” para “reparar umha omissom de homenagem e reconhecimento públicos injustificadamente postergados durante largos anos” mais tamén “possibilitariam a aproximaçom da cidadania galega de um legado lingüístico e literário, o de Carvalho Calero, fundamental para hoje revitalizarmos a língua autóctone da Galiza, prestigiarmos a sua literatura e internacionalizarmos a sua cultura”, aseguran.
