O instituto Otero Pedrayo acollerá o 22 de novembro a inuaguración da mostra 150 aniversario da Gramática gallega de J. Antonio Saco Arce, ideada polo académico correspondente Alfonso Vázquez-Monxardín. Conta co patrocinio de Deputación e Xunta.
Ese mesmo día, a partir das 16.30 horas, o Seminario de Gramática da Real Academia Galega organiza unha palestra con “sete voces expertas”, que exporán a biografía de Saco Arce e diferentes perspectivas sobre a obra de 1868. Ás seis, unha mesa redonda moderada polo académico Xosé Luís Regueira porá o ramo coa participación de Francisco Dubert, Xosé Fernández Salgado, Xurxo Martínez e Ernesto González Seoane.
“A Gramática gallega viu a luz en 1868, no mesmo prelo que cinco anos atrás Cantares Gallegos”, explica a Academia nunha nota de prensa, “aínda que a súa popularidade non é comparábel, a obra de Saco Arce é tamén un texto fundador cuxa importancia a Real Academia Galega quere lembrar co gallo desta efeméride”.
