venres 23/10/20

As compañías galegas de monicreques confirman a súa intención de unirse "en plataforma ou asociación"

"Os monicreques volveran ás aldeas galegas", e para conseguilo a industria xa está traballando en tres mesas de traballo distintas para reoganizar a industria da arte do teatro de monicacos na Galiza

Titiriteiros 2
Estampa dunha representación no Encontro de Titiriteiros (Esteban Losada)

"Os monicreques volveran ás aldeas galegas". É a principal conclusión do noveno Encontro dos Titiriteiros Galegos, que se desenvolveu durante a pasada fin de semana na localidade de Mondoñedo e que reuniu ás 22 principais compañías do país.

Arturo Pérez, da compañía Spaghetti, explica para Nós Diario que do Encontro dos Titiriteiros Galegos saíron "tres mesas de traballo" que “determinarán” o futuro desta arte na Galiza.

Na primeira decidirase sobre como se unirá a industria á hora de constituírse, "si en plataforma ou en asociación", indica Pérez. A segunda dedicarase aos circuítos rurais: “Trataremos de recuperar un mundo que era moi importante para nós e co que existe unha débeda histórica, porque as nosas orixes están alí e porque no rural tamén teñen dereito á cultura". 

Finalmente, a última mesa estará centrada no mundo das festas populares, aínda que non foi este o último tema abordado en Mondoñedo, onde tamén se falou do peche definitivo do Museo do Monicreque de Lalín, entre outros.

As compañías galegas de monicreques confirman a súa intención de unirse "en plataforma...
comentarios