Uxía e Sés xunto coa concelleira de Pontevedra, Anxos Riveiro e o productor do festival, Paco de Pin, presentaron un programa que, como nas edicións anteriores convida a participar voces de distintos continentes, de Portugal, Brasil e a áfrica lusófona, nesta irmandade musical singular que se convertiu xa en cita obrigada en Pontevedra.
Para o día 12 ás 21 horas no Pazo de Cultura de Pontevedra dará inicio a décida edición do Cantos na Maré, cun programa especial que contará cun repertorio deseñado para a conmemoración, composto en especial de duetos dos distintos participantes.
Por vez primeira o portugués Rui Veloso estará na Galiza, mália ter xa unha traxectoria de máis de trinta anos. A presenza de Chico César, por outra banda,e vocará aquel primeior Cantos na Maré cando o cantor emocionou e fixo vibrar ao auditorio todo co ritmo africobrasileiro da súa música. A música de timbila de Cheny Wa Gune mais os novos ritmos de Sés darán enerxía a unha noite que contará tamén cunha banda de luxo composta por Sergio Tannus, Berg, José Manuel Díaz, Joaquim Teles “Quiné”, dirixidos por Paulo Borges. O convívio e o encontro fraternal a través da música volverán presidir o festival ideado por Uxía que cada ano convoca en Pontevedra a todas as persoas amantes da mellor música da lusofonía.
