'A crónica francesa' (The French Dispatch): Composición e simetría

Na súa décima longametraxe, Wes Anderson, da man do seu habitual director de fotografía Robert Yeoman, semella tocar teito en relación á súa obsesión pola composición e simetría nos planos; unha característica marca persoal que ao principio da súa carreira era testemuñal, pero que foi en progresión xeométrica a partir de Os Tenenbaums (2001) até a mestría visual que desprega en A crónica francesa.