Antón Patiño, pintura para dar sentido ao mundo

Máis que unha antolóxica Caosmos, a mostra dedicada polo Centro Galego de Arte Contemporánea ao pintor Antón Patiño (Monforte, 1957) semella a plasmación dun elaborado diálogo entre o artista e o comisario Alberto Ruiz de Samaniego, que acaba por crear unha tonalidade que paira polas distintas salas do museo e que ofrece unha imaxe global da traxectoria artística e intelectual do pintor.