O Revenidas conságrase como un dos festivais de referencia do verán galego. Nesta edición, á tradicional sardiñada popular, súmase un cartaz con máis de 30 bandas entre as que se atopan Banda Bassotti, La Raíz, Familia Caamagno, Zoo, Kasernarat, Swindigentes, O Leo Arremecaghona ou Fanfarria Taquikardia.
Após congregar arredor de 10 mil persoas o pasado ano, segundo a organización, os vindeiros 21, 22 e 23 de agosto Vilaxoán volverá tornarse no epicentro festivaleiro para xentes de toda a Galiza.
Os bonos con entradas para os 3 días comezarán a comercializarse a partir do 24 de xullo e venderanse a 25 euros como prezo inicial.
A organización disponibiliza toda a información no seu portal web.
