A formación musical composta por Pedro Pascual (acordeón), Quim Farihna (violín) e Kim García (contrabaixo) editou "Fendendo Achas", o seu primeiro videoclip. O audiovisual foi realizado polo multi-premiado director galego Quique Otero (Crebinsky) e recrea un universo que nos aproxima aos bosques do Noroeste, onde uns intrépidos leñadores que se transforman en músicos afían as súas machadas para talar eucaliptos, a especie australiana que foi invadindo os bosques de carballos e castiñeiros, árbores autóctonos de Galiza.
