A praza da Ferraría acollerá os vindeiros 13 e 14 de xullo o XIII Memorial Ricardo Portela con importantes novidades respecto ao ano pasado. Nesta edición o Memorial desenvolverase o venres, 13 e o sábado, 14 de xullo na praza da Ferraría, onde compartirán espazo os concertos e a mostra de artesanía e instrumentos tradicionais. Por vez primeira non haberá concurso de agrupacións e o concurso substitúese por concertos e pasarrúas durante as dúas xornadas.
O sábado está previsto unha homenaxe tanto a Ricardo Portela como a Xosé Manuel Seivane
Homenaxe a Seivane
Haberá unha importante presenza de artesáns. Confirmaron a súa presenza Xaneco Tubío, Xosé Tuñas, Foliqueiras, O Chilro, Oli Xiráldez, Pablo Carpintero, Xermán Arias, Obradoiro de Instrumentos tradicionais Mouriño, Master Gaita, Lorena Reinaldo, Rebollo Instruments e Afonso Castro.
Artesán era tamén Seivane, homenaxeado este ano e que nas anteriores edicións colaborou co Memorial. De feito, un dos premios do concurso era unha gaita Seivane. O sábado está previsto unha homenaxe tanto a Ricardo Portela como a Xosé Manuel Seivane, na que estarán presentes familiares dos dous maestros gaiteiros de Galiza.
