Ribadeo: da illa Pancha ás Aceas

A fenda pola que sae ao mar o río Eo racha a chaira da rasa Cantábrica e escava nela unha canle creando, a unha e a outra beira, unha liña de cantís de entre 10 e 20 metros de caída, recortados e con numerosos pequenos seos, puntas e rochas soltas, na zona de máis influencia do mar (até pasar a ponte dos Santos) que seguen a conservar a verticalidade e incluso a gañar altura até máis alá da vila.