Do encoro do Salas a Pitões das Júnias

Un percorrido para ir do val do río Salas, en Galiza, ao val do río Cádavo, en Portugal, remontando as lombas entre a serra do Pisco e a serra do Xurés, que nos levan desde os 800 m de altitude do encoro ata os 1.250 m do refuxio do Pisco, antes de baixar aos 1.200 da Portela, que se atopa na divisoria de augas das dúas cuncas, e seguir baixando paseniñamente ata os 1.100 m na localidade de Pitões das Júnias; para gozar das paisaxes e das panorámicas da montaña e de numerosos detalles e formas da natureza.