O mes de abril rexistrou temperaturas de 2,5 graos superiores á media do ano anterior

O cuarto mes de 2023 foi entre seco e normal a nivel de precipitacións na Galiza e extremadamente cálido, con temperaturas até 2,5 graos centígrados superiores á media no leste do país, segundo informou a Axencia Estatal de Meteoroloxía. No abril máis caloroso e con menos choiva no Estado desde que hai rexistros, Galiza foi a excepción en precipitacións aínda que, en todo caso, estiveron por baixo da media dos últimos anos.