O metro cadrado da vivenda de segunda man ascende até os 1.347 euros

A vivenda de segunda man na Galiza encareceu 3,39% en maio a respecto do mesmo mes de 2022, segundo o último informe do portal inmobiliario Pisos.com, que sitúa o prezo do metro cadrado en 1.347 euros, o mesmo que en abril. No conxunto do Estado español subiu o seu custo por volta de 6,47% en maio, até os 2.053 euros o metro cadrado. Por circunscricións, Pontevedra foi a que rexistrou un maior incremento, subindo 7,55%, até os 1.601 euros o metro cadrado. Na Coruña só creceu 0,07%, até 1.378 euros, mentres que en Lugo o incremento foi de 2,18%, con 910 euros, e en Ourense, de 0,74%, até 951 euros o metro cadrado.

Os grandes concellos galegos, como A Coruña ou Vigo (na imaxe) non teñen políticas de alugueiro de vivenda de titularidade pública. (Foto: Nós Diario)
photo_camera Os grandes concellos galegos, como A Coruña ou Vigo (na imaxe) non teñen políticas de alugueiro de vivenda de titularidade pública. (Foto: Nós Diario)
Comentarios