O comité de Inelcom Sarria segue sen ver a "causalidade" do ERE e exixe "toda a documentación"

O comité de Inelcom en Sarria abandonou a cuarta reunión de negociación do ERE coa empresa sen ver aínda a "causalidade" da medida que impón a dirección. A representación dos traballadores exixe "claridade nos datos achegados". A comisión negociadora indicou que "de seguir insistindo en levar a cabo o ERE, deben achegar toda a documentación requirida e o número de afectados debe ser moi inferior ao exposto até a data". "Esperamos que na reunión que manteremos o día 18 a empresa veña cunha postura clara e definida que nos permita avanzar nunha negociación que está a ser moi laboriosa pola falta constante de claridade da parte empresarial", subliñan.
Protesta nas instalacións de Inelcom en Sarria, o pasado ano. (Foto: Nós Diario)
photo_camera Protesta nas instalacións de Inelcom en Sarria, o pasado ano. (Foto: Nós Diario)
Comentarios