O presidente do PPdeG, Alfonso Rueda, aproveitou esta xornada previa aos comicios locais para participar no municipio de Bueu, nunha concentración moteira organizada polo Motoclub Moteiros do Morrazo e pediu reflexionar "con sentidiño".
O líder dos populares galegos estivo acompañado polo presidente provincial do PP de Pontevedra, Luís López, e pola candidata á alcaldía, Elena Estévez.
"Recoñezo que uso menos a moto do que me gustaría. Así que hoxe, despois de semanas intensas, pasar a xornada en Bueu cos amigos do Motoclub Moteiros do Morrazo é máis que un gustazo", publicou na súa conta de Twitter.
Pola súa parte, a secretaria xeral do PPdeG, Paula Prado, valorou "moi positivamente" a "magnífica" campaña do PPdeG.
Prado salientou que a campaña contou con "moitísima participación" nos actos organizados por todo o territorio.
Para este domingo, Prado espera que esa participación se traduza "en votos". "Xogámonos moito, xogámonos o futuro de catro anos para cada un dos 313 concellos da Galiza", expuxo.
